FLASH
Shkruar nga Pamfleti
Ka nisur mbledhja e Këshillit të Mandateve për shqyrtimin e kërkesës së SPAK për arrestimin e Belinda Ballukut, e cila po zhvillohet me dyer të mbyllura.
Por opozita kërkoi që mbledhja të zhvillohet me dyer të hapura.
Përfaqësuesi i PD në mbledhje, Gazment Bardhi tha se mbledhja mund të mbyllej vetëm kur prokurorët e SPAK ta shihnin të arsyeshme, kur të cenohej sekreti hetimor.
Mbledhja e Këshillit për Rregulloren, Mandatet dhe Imunitetin po shqyrton kërkesën e Prokurorisë së Posaçme AntiKorrupsion për heqjen e imunitetit si deputete të Belinda Ballukut.
Kjo e fundit është pezulluar nga detyra si zv.kryeministre e njëherësh ministre e Infrastrukturës dhe Energjisë, ndërsa SPAK kërkon arrestimin.
Në Kryesinë e Kuvendit ndodhet kreu i SPAK, Klodian Braho, prokurorët e çështjes, Dritan Prençi e Dorina Bejko, si dhe të gjithë anëtarët e këtij këshilli.
Balluku nuk do të jetë e pranishme në mbledhje, ndërsa ka dërguar dy avokatët e saj, Pamela Qirko (e motra) dhe Ardian Kalia.
Kreu i grupit parlamentar të PD-së, Gazment Bardhi, ka pasur kundërshti për zvarritjen rreth 2 muaj të çështjes, duke kërkuar po ashtu që mbledhja e sotme të jetë transparente për publikun. Mirëpo, kjo kërkesë nuk është marrë parasysh.
Edhe pse kryeministri Edi Rama kishte deklaruar më parë se nuk kishte urgjencë për trajtimin e kërkesës, duke argumentuar se Balluku mund të hetohej lehtësisht ndërsa është e pezulluar, duket se kjo qasje ka ndryshuar.
Lini një Përgjigje