FLASH
Shkruar nga Pamfleti
Një ditë para zgjedhjeve, Rama bisedë telefonike me presidentin turk...
Një ditë para zgjedhjeve të 11 majit, Edi Rama ka pasur një bisedë të gjatë telefonike me idhullin e tij, Recep Tayyip Erdoğan. Në zgjedhjet e 2021 ai e ndihmoi, duke i dhënë një dorë të mirë me inaugurimin e Spitalit Memorial të Fierit.
Po ashtu e ndihmoi me shtëpitë e prishura nga tërmeti. Si duket në këto zgjedhje, Erdogan ka dhënë instruksionet e tij se si Babloku të sigurojë dhe një mandat tjetër. Erdogan është mjeshtër i qendrimit në pushtet dhe Rama po mëson shumë prej tij.
Vetë Presidenca turke njofton se ata kanë pasur një bisedë të gjatë sot.
“Kryeministri i Shqipërisë, Edi Rama, ka zhvilluar një bisedë telefonike me presidentin e Turqisë, Recep Tayyip Erdoğan, për të diskutuar marrëdhëniet dypalëshe, çështjet rajonale dhe zhvillimet globale, transmeton Anadolu.
Drejtoria e Komunikimit e Turqisë njoftoi se presidenti Erdoğan gjatë bisedës telefonike vlerësoi miqësinë dhe dialogun e saj me Shqipërinë, duke deklaruar se bashkëpunimi midis dy vendeve do të vazhdojë të forcohet në periudhën e ardhshme”, thekson njoftimi.
Më tej thuhet se është folur dhe për samitin që mbahet javën që vjen në Tiranë, por edhe zgjedhjet.
“Duke theksuar se organizimi i samiteve të Komunitetit Politik Evropian dhe Procesit të Bashkëpunimit të Evropës Juglindore në Shqipëri është një dëshmi e profilit ndërkombëtar në rritje të Shqipërisë, Erdoğan shprehu urimin e tij për sukses. Presidenti turk gjithashtu shprehu urimin e tij që zgjedhjet parlamentare që do të mbahen në Shqipëri nesër të jenë të mbara”, thekson deklarata.
Mediat e huaja shpesh e cilësojnë Ramën si një Erdogan i dytë. Dhe s’kanë faj, pasi duket se mëson shumë nga idhulli i tij. /Pamfleti
Lini një Përgjigje