FLASH
Shkruar nga Pamfleti
E them dhe e përsëris, në atë sallë gjyqi unë jam fyer, sulmuar e kërcënuar nga prokurori im, Olsi Dado, me fjalë të cilat janë të regjistruara dhe padyshim mund të bëhen transparente për publikun...
Kryebashkiaku Erion Veliaj ka reaguar mbi debatin e ditës së sotme, mbi deklaratat në seancën gjyqësore që u mbajt ndaj tij për njohjen me masën e sigurisë.
Paradite Veliaj publikoi transkriptin e diskutimeve, ku akuzoi prokurorin Dado se i ishte drejtuar me fjalën “ndyrësirë”. Më pas reagoi Gjykata e Posaçme, e cila e mohon një gjë të tillë. Ndërkohë në media është publikuar dhe një audio e seancës, e cila nuk është e qartë.
Veliaj pak më parë ka reaguar në rrjetin social Facebook, ku shprehet se ajo seancë ishte një kasaphanë e përgatitur për ta “vrarë” politikisht. Po ashtu i kërkon gjykatës të nxjerrë audion e seancës.
“Siç e dini, prej dy javësh unë ndodhem i mbyllur në qeli pa gjyq dhe i dënuar që në faqen e parë të një dosjeje, të cilën po e faktoj çdo ditë se është një montim i shëmtuar dhe farsë e rrezikshme.
Por, gjithashtu, ndodhem në kushte të pabarabarta për të thënë të vërtetën time, atë të vërtetë të cilën do ta mbroj deri në fund dhe do të vazhdoj ta them së paku këtu, në rrjetet e mia sociale, si e vetmja mënyrë për të komunikuar me qytetarët e Tiranës dhe gjithë publikun.
Po! E them dhe e përsëris, në atë sallë gjyqi unë jam fyer, sulmuar e kërcënuar nga prokurori im, Olsi Dado, me fjalë të cilat janë të regjistruara dhe padyshim mund të bëhen transparente për publikun. Ajo seancë ishte një kasaphanë e përgatitur për të më “vrarë” politikisht dhe kam dëgjuar lloj-lloj epitetesh, që nga “gënjeshtar”, “je patologjik” e deri te fjalia “e di se ku shkon, ky merret me mua ky …ndyrësirë”.
Për të qenë të vërtetë deri në fund, ftoj gjykatën të publikojë audion e asaj seance të shëmtuar dhe pastaj qytetarët ta vendosin vetë se kush ka të drejtë.
Ama, unë do të vijoj të çmontoj atë dosje të stisur kundër meje çdo ditë, pak nga pak, siç kam bërë deri më sot”, shkruan ai.
Lini një Përgjigje