FLASH
Shkruar nga Pamfleti
Ish kryeministri, Sali Berisha, nga dritarja e banesës ku po vuan masën ‘arrest shtëpie’, ka komentuar vizitën e Sekretarit Amerikan të Shtetit, Antony Blinken.
Duke marrë shkas nga fakti që Blinken nuk takoi asnjë nga grupet e opozitës, Berisha tha se kjo është hera e parë në historinë e vendit tonë që një sekretar shteti takon vetëm përfaqësues të një partie Presidentin, Edi Ramën, Altin Dumanin, Sokol Sadushin dhe me radhë.
Berisha deklaroi më tej se ky protokoll ishte i parapërgatitur nga të tjerët dhe se Blinkeni nuk do ta kishte dashur një të tillë.
“Të dashur miq, sot në Shqipëri erdhi kryediplomati i SHBA, Sekretari i Shtetit, Antony Blinken. Shfrytëzoj këtë rast për të garantuar qeverinë e SHBA, presidentin e vendit, se PD, forca politike që përmbysi komunizmin, forca politike që u bë promotor kryesor i marrëdhënieve miqësore mes Shqipërisë dhe SHBA dhe vendeve perëndimore, e anëtarësimit të Shqipërisë në NATO, ka qenë dhe mbetet e vendosur gjithnjë për të vazhduar në këtë rrugë bashkëpunimi miqësie në kuadrin e NATO-s dhe në kuadrin bilateral.
Asgjë nuk lëkund qëndrimet tona, qëndrimi ynë pro-perëndimor buron nga vokacioni perëndimor i kombit shqiptar. Ne u themeluam si parti e vokacionit perëndimor, por miqtë e mi, ajo që ishte në këtë vizitë e gjashta e një sekretari shteti që nga viti 1991, ajo që ishte do të thosha për Shqipërinë, e hidhur, ishte se kjo ishte vizitë në Shqipërinë moniste.
Sepse për herë të parë në një vizitë zyrtare, një sekretar shteti takon vetëm përfaqësues të një partie. Presidentin, Lali Vjedhësin, Edi Ramën, Altin Dumanin, Sokol Sadushin dhe me radhë. E vërteta është se nuk mund të them se ai do donte një protokoll të tillë", tha Blinkeni.
Lini një Përgjigje