Këshilli Kombëtar i PD-së pritet të zgjedhë sot drejtuesin e ri, por edhe anëtarët e Kryesisë së kësaj partie. Në mbledhjen e zhvilluar në selinë e PD-së, Berisha ka propozuar dy emra që do të votohen nga anëtarët e Këshillit Kombëtar.
Emrat e propozuar nga Berisha janë Silva Hasa dhe Julia Emiri. “Kam menduar që Këshilli Kombëtar të drejtohet nga një zonjë”, tha Berisha përpara se të bënte publike emrat.
Këshilli Kombëtar i PD-së është drejtuar nga Edi Paloka prej vitit 2021, ndërsa ky i fundit deklaroi pak ditë më parë se nuk do të rikandidonte, duke i hapur kështu rrugën zgjedhjes së një emri të ri.
Lini një Përgjigje