FLASH
Shkruar nga Pamfleti
Deputetët e Partisë Demokratike, kanë 'shpërthyer' kundër Koordinatorit Kombëtar Ilir Beqaj, i cili po mbronte projektligjin në Komision ku diskutua marrëveshja me Bashkimin Europian, në lidhje me programin vjetor IPA.
Ilir Beqaj, i përfolur në dosjen e korrupsionit me tenderat në Shëndetësi, është koordinatori kombëtar i fondeve IPA dhe ky fakt është kundërshtuar fort nga opozita, e cila e ka cilësuar si presion që i bëhet drejtësisë, duke theksuar se ish-Ministri i Shëndetësisë, është nën hetim e këtu shfaqet duke mbrojtur sërish miliona euro.
“SPAK është plot me ministra, zëvendësministra, me deputetë, me Sekretarë të Përgjithshëm. Sërish ju bëni karshillëk, sillni këtu vjedhjen e radhës. Fondet e BE-së për bujqësinë sot po hetohen në SPAK. Të gjithë deputetët e mazhorancës kanë përfituar nga ato fonde. Turp”, u shpreh ligjvënësja demokrate, Dhurata Çupi.
Në të njëjtën linjë ishte edhe deputeti Asllan Dogjani.
“Është sfidë morale dhe presion që i bëhet SPAK-ut, fakti që Ilir Beqaj vjen dhe mbron këtu një nismë të Bashkimit Europian. Ilir Beqaj është në SPAK për korrupsion”, u shpreh Dogjani.
Ndërsa deputeti Saimir Korreshi, në formë proteste braktisi mbledhjen e komisionit.
Lini një Përgjigje