FLASH
Shkruar nga Pamfleti
Sekretari për Çështjet e Emigracionit pranë Rithemelimit, Indrit Hoxha tha se goditja ndaj Sali Berishës ka ardhur për dy arsye, marrja e grupit parlamentar të PD-së dhe votëbesimi në Kuvendin e 2 Dhjetorit.
I pyetur për Argita Malltezin, Hoxha tha se nuk e di nëse ajo ka ambicie për të qenë në krye të Rithemelimit por hyrja e saj në politikë do të ishte e vonuar.
“Goditja e Berishës në gjykimin tim erdhi si pasojë e dy akteve politike në dy muajt e fundit. E para ishte marrja e grupit parlamentar të PD-së me 44 deputetë. Dhe e dyta, ishte Kuvendi i 2 Dhjetorit ku Berisha u votëbesua. Sipas statutit të PD pas zgjedhjeve lokale, kryetari që humbet zgjedhjet votëbesohet dhe pas zgjedhjeve të përgjithshme, kryetari që humbet largohet dhe nuk ka të drejtë rikandidimi. Kur e kemi bërë në Kuvendin e 11 Dhjetorit e kemi cilësuar si neni Basha se vetëm ai nuk ik sa herë humbet. Dhe si pasojë e këtyre dy akteve politike, mendoj se Rama me fraksionin e tij brenda drejtësisë së re, i dha këtë goditje politike Berishës. Ne nesër kemi mbledhjen e kryesisë së PD-së ku do të marrim disa vendime që do të lidhen dhe me të ardhmen e opozitës dhe PD. Sa i takon zonjës Malltezi, e cila diskutoi në Kuvendin e PD-së, në gjykimin tim, Malltezi është e vonuar në politikë dhe e djathta e ka traditë trashëgiminë politike. Nuk ka asnjë lloj gjëje të keqe dhe nuk duhet të kemi një goditje politike pse ajo është e bija e Sali Berishës. Nuk i di ambiciet që mund të ketë zonja Malltezi për të qenë e para e PD-së por unë e gjykoj që shfaqja për opinionin publik e zonjës Malltezi është e vonuar”, u shpreh Hoxha.
Ai paralajmëroi se deputetët opozitarë do ta vazhdojnë mosbindjen civile edhe në rrugë.
“E para PD sapo e votëbesoi kryetarin e saj. Nuk do të thotë se pse SPAK ka kërkuar një masë, Berisha të ikë si kryetar i PD-së. Këtu është goditur kryetari i opozitës dhe padiskutim çdo gjë do të marrë përgjigjen e merituar. Do të diskutohet ecuria e mosbindjes civile në vend. Atë që deputetët kanë nisur në parlament do të implementohet edhe në sheshe”, shtoi Hoxha në “ABC News”.
Lini një Përgjigje