FLASH
Shkruar nga Pamfleti
Autori i vrasje së 40-vjeçares Enkelejda Danaj, në deklaratën e dhënë në polici, sipas mediave greke, ka deklaruar se nuk është penduar për krimin e kryer. Fjalët e tij të para për policinë ishin: Vrava gruan time dhe nuk pendohem.
Vrasësi u shpreh se arsyeja se pse e vrau ish-bashkëshorten është tradhtia. Ndër të tjera, autori tha se ish-bashkëshortja po “hante” paratë e tij, duke theksuar se ajo kishte lidhje jashtëmartesore për shumë vite, me burra të ndryshëm.
Eduart Danaj, u gjet nën efektin e alkoolit teksa ishte fshehur në një pallat në Fili. Bëhet me dije se 40-vjeëari punonte në pallatin ku ishte fshehur.
“Ajo po hante paratë e mia. Kishte një lidhje jashtëmartesore për shumë vite me burra të ndryshëm. Nuk mund ta shihja të dashurin e saj duke drejtuar makinën dhe fotot e tij në Facebook,” pretendoi sulmuesi, sipas gazetës të lajmeve “Star".
Sipas asaj që ka dalë në dritë, vrasësi 50-vjeçar pasi ka vrarë gruan e tij të larguar, ka shkuar në një hotel dhe ka paguar për të qëndruar natën dhe ka nisur të endet.
Ata e panë atë në kamera dhe e ndoqën gjatë gjithë rrugës ku mund ta dallonin. I ishte dhënë sinjal të gjitha shërbimeve për ta kërkuar, por edhe në kufi që të mos largohej nga Greqia.
Bëhet me dije se autori ka ecur me rroba të përgjakur. Kur e gjet ai ishte nën efektin e alkoolit, ndërsa pretendoi se kishte pirë vetëm dy birra, po në banesë u gjetën dy thasë me shishe birre.
Sipas mediave greke dyshohet se ai i ka thënë vajzës së tij: Do të të vras dhe pastaj do të vras veten. Do të bëhesh edhe ti si nëna jote.
Lini një Përgjigje