FLASH
Shkruar nga Pamfleti
Leonard Duka, bossi i klanit Duka, i arrestuar në Belgjikë kërkon statusin e azilantit, duke pretenduar se në Shqipëri i rrezikohet jeta.
Për më shumë se një vit, Duka është duke u përballur me autoritetet belge me qëllim që t’i shpëtojë ekstradimit, pasi në Shqipëri rrezikon dënimin me burgim të përjetshëm, për organizimin e vrasjes se ish-policit Santjago Malko.
News24 iu drejtua me shkresë zyrtare Prokurorisë së Posaçme lidhur me këtë çështje, por kjo e fundit refuzoi të jepte detaje, duke arsyetuar se çështja është sekret hetimor.
Leonard Duka është kreu i klanit kriminal, që ishte në përplasje të forta me Ervis Martinaj, bossin e kumarit të zhdukur pa gjurmë prej gushtit të 2022.
Përplasja mes tyre, nisi kur grupi i Martinaj i mori peng babain dhe nga miq ata u shndërruan në armiq të përbetuar.
Klani Duka tentoi ekzekutimin e Martinajt, por duke qenë se dështoi në këtë sipërmarrje vranë Santjago Malkon, mikun e mbretit të bixhozit.
Krahas Leonard Dukës, prokuroria akuzon për atentatin mafioz Fatmir Hysenin i njohur si Docja, në rolin e ekzekutorit. Ai shfaqet edhe në kamerat e sigurisë të cilat po shqyrtohen si provë nga gjykata. Po ashtu të pandehur janë marrë dhe Erlis Duka, Aleksandër Maxhaku, Oltjon Logu, e shumë të tjerë. Më herët është dënuar për vrasjen e Malkos Blendi Teta dhe Ilir Selmani.
Lini një Përgjigje