FLASH
Shkruar nga Pamfleti
Policia e Fierit ka dhënë detaje në lidhje me ngjarjen e rëndë të ndodhur paraditen e së hënës në qendër të qytetit.
Një konflikt mes të rinjve ka përfunduar me vrasjen e 19-vjeçarit Grei Bihuci dhe plagosjen e një 20-vjeçari. Ngjarja e rëndë ndodhi mesditën e kësaj të hëne në orën 11:30, në bulevardin ‘Jakov Xoxa’.
Policia ka arrestuar autorin Florian Muka.
"Rreth orës 11:30, në bulevardin “Jakov Xoxa”, shtetasi F. M., 18 vjeç, gjatë një konflikti për motive të dobëta ka plagosur me mjet prerës (thikë), shtetasin G. B., 19 vjeç, i cili si pasojë e plagëve të marra ka humbur jetën në spital.
Në spitalin e Fierit është paraqitur për ndihmë mjekësore shtetasi O. S., 20 vjeç, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën.
Shërbimet e Policisë kanë kapur dhe shoqëruar në Polici shtetasin F. M, dhe po kryhen veprimet e mëtejshme procedurale.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit."-njofton policia.
Lini një Përgjigje