FLASH
Shkruar nga Pamfleti
Policia në Shkodër ka dhënë informacion të detajuar në lidhje me ngjarjen e rëndë të ndodhur në kryeqendrën e veriut, ku një 63-vjeçare dyshohet se është vetëmbytur.
Policia sqaron se nuk janë konstatur shenja dhune në trupin e viktimës. Dyshohet se 63-vjeçarja, kohët fundit vuante nga depresioni.
“Rreth orës 16:25, shërbimet e Policisë kanë marrë njoftim se një shtetase është hedhur në ujërat e lumit Buna.
Me marrjen e njoftimit, shërbimet e Policisë kanë shkuar menjëherë në adresën e dhënë.
Punonjësit e Policisë, me një varkë janë futur në lumë dhe kanë nisur kërkimet. Shërbimet e Policisë kanë gjetur trupin e pajetë të shtetases Sh. O., 63 vjeçe, banuese në lagjen “Dobraç”, e cila dyshohet se është vetëhedhur nga ura e vjetër e lumit Buna.
Nga këqyrja paraprake e trupit të pajetë, nuk janë konstatuar shenja dhune, si dhe nga veprimet e para hetimore dyshohet se kjo shtetase vuante kohët e fundit, nga depresioni. Grupi hetimor në drejtimin e prokurorit, vijon punën për zbardhjen e plotë të rrethanave të rastit”, njofton policia.
Lini një Përgjigje