FLASH
Shkruar nga Pamfleti
Policia ka dhënë detaje të reja lidhur me ngjarjen e mbrëmshme në Tiranë ku humbi jetën 27-vjeçari A. M., i cili fillimisht u raportua si i vetëplagosur me armë zjarri dhe ndërroi jetë në spital.
Sipas njoftimit zyrtar, nga veprimet e thelluara hetimore, përfshirë këqyrjen e kamerave të sigurisë dhe marrjen e deklarimeve, ka rezultuar se ngjarja ka ndodhur në banesën e shtetasit K. H., i cili është shok me viktimën.
Në vijim të procedurave, policia ka shpallur në kërkim shtetasin K. H., pasi dyshohet se ka qenë i pranishëm në momentin e ngjarjes.
Autoritetet bëjnë me dije se po punohet për kapjen e tij dhe për zbardhjen e plotë dhe dokumentimin ligjor të rastit.
“Në vijim të informacionit paraprak të dhënë dje, për vetëplagosjen e shtetasit A. M., 27 vjeç, i cili humbi jetën në spital, bëjmë me dije se gjatë kryerjes së veprimeve të thelluara hetimore(këqyrja e kamerave, marrja e deklarimeve) rezultoi se ngjarja ka ndodhur në banesën e shtetasit K. H, shok me shtetasin A. M.
Në vijim të veprimeve procedurale u bë shpallja në kërkim e shtetasit K. H., pasi dyshohet se ka qenë prezent gjatë ngjarjes. Punohet për kapjen e tij dhe zbardhjen edhe dokumentimin e plotë të rastit“-bën të ditur policia.
Lini një Përgjigje