FLASH
Shkruar nga Pamfleti
Fatjon dhe Ergys Gjonaj, xhaxha dhe nip që u kapën me mina dy ditë më parë në qytetin e Vlorës janë lënë në burg.
Seanca gjyqësore u mbajt sot në orën 09:30 minuta. Prokurorja Ajkuna Anxhaku e ka cilësuar si të ligjshëm arrestin dhe ka kërkuar masën e sigurisë arrest me burg për Fatjon dhe Ergys Gjonaj.
Gjyqtarja Emirjana Dimo ka lënë në fuqi masën e sigurisë.
Xhaxha e nip u arrestuan në hyrje të qytetit të Vlorës, mbrëmjen e 9 gushtit 2023, pasi gjatë një kontrolli në automjetin e tyre u zbulua se kishin fshehur dy minat me telekomandë në kroskotin e makinës me të cilën po lëviznin.
Të dy janë arrestuar në hyrje të qytetit të Vlorës, ndërsa rezultojnë banues në Laç.
Konkretisht, ata i kishin fshehur dy minat me telekomandë në kroskotin e makinës me të cilën po lëviznin. Këto mina ishin të programuara për shpërthim në distancë dhe sipas policisë dyshohet se do të përdoreshin për kryerjen e ngjarjeve të rënda kriminale dhe ishin të pajisura me aparat celular dhe me kapsolla detonatorë për shpërthim. Këto mina u sekuestruan në kuadër të operacionit “Knock Out 2”.
Zbulimi i këtyre minave me telekomandë, vjen dy ditë pasi Policia e Vlorës parandaloi një tjetër ngjarje kriminale, ku një 35-vjeçar Amarildo Nikolli (Xhanej), u arrestua me një pistoletë silenciator, me fishek në fole gati për qitje, një sasi municioni luftarak, doreza dhe kapuç në çantën e shpinës.
Lini një Përgjigje