FLASH
Shkruar nga Pamfleti
Ministri serb i Informimit dhe Telekomunikacionit, Boris Bratina, mori pjesë në ceremoninë mortore për udhëheqësin suprem të Iranit, ajatollah Ali Khamenei, si përfaqësues i Qeverisë së Serbisë. Lajmi u bë i ditur përmes një njoftimi të publikuar në profilin zyrtar të ministrit në Instagram.
Gjatë vizitës në Teheran, Bratina nënshkroi librin e zisë dhe përcolli ngushëllimet e Qeverisë dhe popullit serb për popullin iranian.
Sipas Ministrisë iraniane të Teknologjisë, Inovacionit dhe Çështjeve Ndërkombëtare, ministri serb mbërriti në kryeqytetin iranian më 3 korrik, ku u prit në aeroport nga zëvendësministri Mohammad Hafez Hakami, raportoi Radio Evropa e Lirë.
Ceremonitë shumëditore të varrimit të Ali Khameneit nisën më 4 korrik. Udhëheqësi suprem i Iranit u vra më 28 shkurt, në ditën e parë të luftës mes SHBA-së, Izraelit dhe Iranit.
Pjesëmarrja e ministrit serb në këtë ceremoni ka nxitur reagime në Beograd. Partia opozitare e Lirisë dhe Drejtësisë kërkoi të dijë nëse presidenti Aleksandar Vuçiq e kishte informuar administratën amerikane për vendimin e Serbisë për të dërguar një përfaqësues qeveritar në Teheran.
Në reagimin e saj, kjo forcë politike deklaroi se një veprim i tillë vë në pikëpyetje angazhimin e Serbisë për të harmonizuar politikën e jashtme me Bashkimin Evropian, një nga kushtet kryesore për avancimin e procesit të integrimit evropian.
Serbia ka ruajtur marrëdhënie të mira me Iranin edhe në vitet e fundit, megjithëse Teherani është përballur me sanksione ndërkombëtare për programin e tij bërthamor dhe akuzat për shkelje të të drejtave të njeriut
Ministri serb i Informimit dhe Telekomunikacionit, Boris Bratina, mori pjesë në ceremoninë mortore për udhëheqësin suprem të Iranit, ajatollah Ali Khamenei, si përfaqësues i Qeverisë së Serbisë. Lajmi u bë i ditur përmes një njoftimi të publikuar në profilin zyrtar të ministrit në Instagram.
Gjatë vizitës në Teheran, Bratina nënshkroi librin e zisë dhe përcolli ngushëllimet e Qeverisë dhe popullit serb për popullin iranian.
Sipas Ministrisë iraniane të Teknologjisë, Inovacionit dhe Çështjeve Ndërkombëtare, ministri serb mbërriti në kryeqytetin iranian më 3 korrik, ku u prit në aeroport nga zëvendësministri Mohammad Hafez Hakami, raportoi Radio Evropa e Lirë.
Ceremonitë shumëditore të varrimit të Ali Khameneit nisën më 4 korrik. Udhëheqësi suprem i Iranit u vra më 28 shkurt, në ditën e parë të luftës mes SHBA-së, Izraelit dhe Iranit.
Pjesëmarrja e ministrit serb në këtë ceremoni ka nxitur reagime në Beograd. Partia opozitare e Lirisë dhe Drejtësisë kërkoi të dijë nëse presidenti Aleksandar Vuçiq e kishte informuar administratën amerikane për vendimin e Serbisë për të dërguar një përfaqësues qeveritar në Teheran.
Në reagimin e saj, kjo forcë politike deklaroi se një veprim i tillë vë në pikëpyetje angazhimin e Serbisë për të harmonizuar politikën e jashtme me Bashkimin Evropian, një nga kushtet kryesore për avancimin e procesit të integrimit evropian.
Serbia ka ruajtur marrëdhënie të mira me Iranin edhe në vitet e fundit, megjithëse Teherani është përballur me sanksione ndërkombëtare për programin e tij bërthamor dhe akuzat për shkelje të të drejtave të njeriut.
Lini një Përgjigje