
Shefi i komisariatit të Laçit, Dritan Metaj i cili u arrestua ditën e djeshme në kuadër të operacionit “flakë në det”, ka folur ditën e sotme në gjykatë për lidhjet që kishte me ‘baronin’ e drogës Gëzim Çela.
Mësohet se në gjykatë Metaj ka pranuar njohjen dhe takimet me Gëzim Çelën dhe i ka argumentuar kontaktet me Çelën duke thënë se njihej me të shumë kohë më parë, ndërsa ka pranuar fajësinë.
“Kam bërë gabim por e kam bërë pasi e njihja më herët dhe nuk e shmangia dot" tha Metaj.
Ndërkohë Gjykata e Posaçme la në fuqi masën e sigurisë për Dritan Metaj, shefin e komisariatit të Kurbinit i arrestuar se bashkëpunoi me grupin e trafikantëve të drogës pjesë e së cilës është dhe Gëzim Çela.
Lini një Përgjigje