FLASH
Shkruar nga Pamfleti
Të tjera fole prostitucioni janë zbuluar në Tiranë, ku apartamente të marra me qira në qendër të kryeqytetit, shërbenin si baza për veprimtarinë e paligjshme.
Policia ka arrestuar dy shtetase të huaja, një vietnameze dhe një kineze, që ushtronin prostitucion në apartamentet në Rrugën e Durrësit dhe në rrugën “Mine Peza”. Në dy operacione të ndara, uniformat blu kanë sekuestruar edhe 3 aparata celularë, përmes të cilave shtetaset e huaja kontaktoheshin nga klientët.
“Si rezultat i kontrolleve dhe punës operative, të kryera me qëllim evidentimin dhe goditjen e rasteve të qiramarrjes së apartamenteve në zona të ndryshme të kryeqytetit, për të ushtruar prostitucion, specialistët e Seksionit për Hetimin e Trafiqeve dhe shërbimet e Komisariatit të Policisë Nr. 3 finalizuan operacionet e koduara:
-“Netëork”, gjatë të cilit u arrestua shtetasja vietnameze, P. Th., 33 vjeçe, pasi dyshohet se në rrugën “Mine Peza”, kishte marrë një apartament, me qira ditore, për të ushtruar prostitucion;
-“Foleja 7”, gjatë të cilit u arrestua shtetasja kineze, Y. Ë, 43 vjeçe, pasi dyshohet se ushtronte prostitucion, në një apartament të marrë me qira, në Rrugën e Durrësit. Në vijim të veprimeve procedurale për këtë rast, nisi procedimi në gjendje të lirë për një shtetas, përfitues nga kjo veprimtari e kundërligjshme.
Materialet procedurale iu referuan Prokurorisë së Tiranës, për veprime të mëtejshme”, njoftoi Policia.
Lini një Përgjigje