FLASH
Shkruar nga Pamfleti
Tre autobusë urbanë të linjës së “ish-uzinës së Autotraktorëve” janë përfshirë nga flakët në orët e para të mëngjesit në zonën e Shkozës.
Në momentin e ngjarjes, autobusët kanë qenë të parkuar, teksa dëmet janë kolosale, pasi ata pothuajse janë shkrumbuar.
Policia thotë se zjarri ka rënë rreth orës 00:35 në parkingun e një firme private, për shkak të një defekti elektrik.
Fillimisht flakët kanë nisur te njëri prej autobusëve. Më pas zjarri ka depërtuar edhe te 2 urbanët e tjerë që ndodheshin aty afër.
“Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera (autobusë linje).
Grupi hetimor po punon për sqarimin e plotë të rrethanave të shkakut të rënies së zjarrit", njofton policia.
Lini një Përgjigje