FLASH
Shkruar nga Pamfleti
Një konflikt mes dy grave ka alarmuar këtë të hënë Policinë e Vlorës. Ndryshe nga rastet e zakonshme të përplasjeve fizike të raportuara në qytet, këtë herë protagoniste të sherrit kanë qenë dy gra, të cilat janë konfliktuar me njëra-tjetrën për motive ende të paqarta.
Sipas informacioneve paraprake, debati mes tyre ka degraduar në përplasje fizike, ku janë përdorur shkelma dhe grushte. Situata ka tërhequr vëmendjen e kalimtarëve, ndërsa është dashur ndërhyrja e policisë për të shmangur përshkallëzimin e mëtejshëm të konfliktit.
Pas mbërritjes në vendngjarje, efektivët kanë qetësuar situatën dhe kanë shoqëruar të dyja gratë në Komisariatin e Policisë së Vlorës.
Burime paraprake bëjnë me dije se po kryhen veprimet procedurale dhe po merren deklarimet e palëve për të sqaruar rrethanat dhe shkaqet që çuan në konflikt.
Lini një Përgjigje