FLASH
Shkruar nga Pamfleti
Një ngjarje e rëndë ka ndodhur në Greqi ku dy shqiptarë kanë plagosur njëri-tjetrin pas një sherri mes tyre.
Raportohet se njëri prej tyre ndodhet në gjendje të rëndë ndërsa konflikti mes tyre ka ndodhur në Evosmos të Selanikut, konkretisht në kryqëzimin e Chrysostomou dhe Papagou.
Sipas informacioneve, dy shqiptarët janë përplasur fizikisht për arsye ende të panjohura, duke u plagosur me thikë.
Kalimtarët i kanë pikasur të gjakosur në një distancë të shkurtër nga njëri-tjetri dhe kanë njoftuar menjëherë urgjencën. Ambulancat kanë mbërritur në vendngjarje dhe kanë transportuar të plagosurit në Spitalin AHEPA.
Ende nuk dihet identiteti i dy shqiptarëve, ndërsa moshat e tyre janë përkatësisht 33 dhe 26 vjeç.
Burime nga spitali raportojnë se gjendja e njërit prej të dyve është kritike. Policia ka nisur hetimet për zbardhjen e rrethanave të ngjarjes.
Lini një Përgjigje