FLASH
Shkruar nga Pamfleti
Gjykata e Posaçme ka rrëzuar kërkesën e mbrojtësve ligjor të avokatit Arben Lena për ndryshim mase sigurie.
Lena ndodhet në masën e sigurisë arrest në burg për veprën penale të ushtrimit të ndikimit të paligjshëm tek personat që ushtrojnë funksione publike.
Ai u arrestua më 27 janar, ndërsa akuzohet si pjesë e grupit të 5 personave që tentuan të korruptonin me 5 mijë euro gjyqtarët e Apelit të Korçës, për të liruar nga paraburgimi Bledar Kozici i arrestuar për trafikim refugjatësh.
Skema u godit më 26 dhjetor të vitit 2023, ku 3 persona u lanë në burg, 1 në arrest shtëpie dhe 1 tjetër në detyrim paraqitje. Sekserët Nikoll Hafesllarin dhe Nikoll Jeskun do të merrnin 5 mijë euro nga familjarja e të arrestuarit, Artiana Kozici, ndërsa sipas SPAK, është e përfshirë edhe avokatja Dajana Kodra.
Masat e sigurisë
1. “Arrest në burg”, ndaj Nikoll Hafesllarit, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.
2. “Arrest në burg”, ndaj Bledar Kozicit, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.
3. “Arrest në burg”, ndaj Nikoll Jeskut, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.
4. “Arrest në shtëpi”, ndaj Dajana Kodrës, e dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.
5. “Detyrimi për t’u paraqitur në policinë gjyqësore”, ndaj Dritan Tabakut, i dyshuar për kryerjen e veprës penale “Moskallëzimi i krimit”.
6. “Detyrimi për t’u paraqitur në policinë gjyqësore”, ndaj Artiana Kozici, e dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.
Lini një Përgjigje