FLASH
Shkruar nga Pamfleti
Një 51-vjeçar është arrestuar nga policia e Elbasanit pasi ishte i shpallur në kërkim për shitje të lëndëve narkotike.
Ai ishte dënuar nga Gjykata e Apelit me 6 vite e 8 muaj burg për “Prodhimi dhe shitja e narkotikëve”. Sipas policisë, i arrestuari është Uliks Pajenga, 51 vjeç, banues në Elbasan.
"I dënuar me 6 vjet e 8 muaj burgim, për veprën penale “Prodhimi dhe shitja e narkotikëve”, lokalizohet, kapet dhe ndalohet 51-vjeçari.
Në zbatim të planit të masave, të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, si dhe bazuar në informacionet e siguruara nga inteligjenca policore, për vendndodhjen e një shtetasi të dënuar me burgim, specialistët për Hetimin e Narkotikëve, në bashkëpunim me shërbimet e Forcës Operacionale të Drejtorisë Vendore të Policisë Elbasan, kapën dhe vunë në pranga shtetasin:
Uliks Pajenga, 51 vjeç, banues në Elbasan.
Gjykata e Apelit e Juridiksionit të Përgjithshëm Tiranë e ka dënuar këtë shtetas, me 6 vjet e 8 muaj burgim, për veprën penale “Prodhimi dhe shitja e narkotikëve”, njoftoi policia.
Lini një Përgjigje