FLASH
Shkruar nga Pamfleti
Ky është Sokol Daci, 30 vjeç, pronar i një berberhaneje në zonën e Rrilës në Lezhë, i cili mbeti i plagosur mbrëmjen e sotme pas një atentati me armë zjarri.
Daci u qëllua me breshëri plumbash brenda biznesit të tij dhe u transportua fillimisht drejt spitalit të Lezhës, për t’u dërguar më pas në Spitalin e Traumës në Tiranë, ku po merr ndihmë mjekësore. Sipas burimeve spitalore, ai ka marrë tri plagë në shpatull, bark dhe këmbë.
Ende nuk dihet nëse 30-vjeçari ka qenë shënjestra e drejtpërdrejtë e atentatit, pasi në momentin e ngjarjes brenda berberhanes ndodheshin edhe pesë persona të tjerë.
Menjëherë pas ngjarjes, policia ka ngritur pika kontrolli në zonë dhe ka nisur krehjen e territorit për identifikimin dhe kapjen e autorit ose autorëve të dyshuar.
Ndërkohë, grupi hetimor, nën drejtimin e Prokurorisë, po vijon veprimet hetimore për zbardhjen e plotë të rrethanave dhe motiveve të kësaj ngjarjeje të rëndë.
Lini një Përgjigje