FLASH
Shkruar nga Pamfleti
Zbardhen detaje nga plagosja e 30-vjeçarit Sokol Daci sot në Lezhë. Paraprakisht dyshohet se i riu nuk ka qenë objektiv i atentatit dhe plumbat e kanë kapur aksidentalisht teksa ishte brenda në berberhane.
30-vjeçari është pronar i berberhanes ku ka ndodhur ngjarja dhe punonte berber. Objektivi i atentatit dyshohet se ka qenë një person tjetër, i cili ka qenë brenda biznesit të tij.
Dyshohet se autorët kanë qenë 5 persona të cilë qëlluan me breshëri plumbash automatiku dhe më pas janë larguar me shpejtësi nga vendngjarja. Ata kanë qëlluar me 20 plumba në drejtim të biznesit ndërsa 5 prej tyre e kanë prekur Sokol Dacin në trup.
30-vjeçari fillimisht u mjekua në Spitalin e Lezhës, ndërsa aktualisht po transportohet drejt Spitalit të Traumës në Tiranë.
Lini një Përgjigje