FLASH
Shkruar nga Pamfleti
Ina Aderi ka folur hapur për fundin e marrëdhënies së saj me Kejsi Hysenin, duke sqaruar publikisht arsyet që çuan në ndarjen e tyre.
E ftuar në emisionin “Top Arena”, ish-banorja e “Big Brother VIP Albania” u përball me pyetje rreth jetës personale dhe raportit që nisi brenda shtëpisë më të famshme në vend.
Gjatë bisedës, Ina konfirmoi se historia e saj me Kejsin i përket tashmë së shkuarës. Sipas saj, arsyeja kryesore e ndarjes ka qenë një mospërputhje karakteri mes tyre.
“Ka qenë thjesht mospërputhje karakteri”, u shpreh ajo, duke lënë të kuptohet se vendimi është marrë në mënyrë të qetë dhe pa konflikte.
Megjithatë, Ina tregoi se nuk pendohet për lidhjen që krijoi gjatë eksperiencës në reality show. Ajo tha se në atë periudhë ka ndjekur ndjenjat e saj dhe e ka jetuar raportin në mënyrë të sinqertë, pavarësisht vëmendjes së madhe publike.
Romanca mes Inës dhe Kejsit ishte një nga historitë që tërhoqi interesin e publikut gjatë qëndrimit të tyre në “Big Brother VIP Albania”, por duket se marrëdhënia nuk arriti të mbijetonte pas përfundimit të spektaklit.
View this post on Instagram
Lini një Përgjigje