FLASH
Shkruar nga Pamfleti
Reshjet e dendura të shiut që kanë përfshirë juglindjen e vendit kanë shkaktuar probleme në qarkullimin rrugor, duke sjellë bllokimin e aksit Lozhan–Moglicë.
Situata është krijuar si pasojë e rrëshqitjes së inerteve në disa segmente të rrugës, duke vështirësuar lëvizjen e mjeteve. Më problematike paraqitet gjendja në vendin e njohur si “Shkëmbi i Dobërçanit”, pak kilometra larg qendrës së fshatit Moglicë, ku në rrugë kanë përfunduar sasi të konsiderueshme materialesh.
Për përballimin e situatës kanë ndërhyrë firma kontraktore që po punon në aksin nacional Maliq–Gramsh, si dhe mjete të Ndërmarrjes së Shërbimeve të Bashkisë Maliq. Ekipet po punojnë për pastrimin e rrugës dhe rikthimin e normalitetit në qarkullim.
Ky segment rrugor është përballur vazhdimisht me problematika gjatë kësaj periudhe për shkak të kushteve atmosferike. Reshjet e shiut kanë shkaktuar herë pas here dëmtime të bazamentit të rrugës, si dhe rrëshqitje inertesh nga shpatet malore, duke sjellë vështirësi për drejtuesit e mjeteve dhe duke kërkuar ndërhyrje të shpeshta nga strukturat përgjegjëse.
Lini një Përgjigje