FLASH
Shkruar nga Pamfleti
Jetnor Zhaboli është 35-vjeçari i cili mbante mbyllur familjen e tij dhe ushtronte ndaj tyre dhunë fizike dhe psikologjike.
Por ishte pikërisht vajza e tij 9-vjeçare ajo që mori guximin dhe foli duke treguar veprimet e të atit.
Edhe pse në moshë të vogël ajo theu heshtjen me policinë për të treguar çfarë ndodhte brenda banesës.
Sipas Top Channel vajza e vogël kishte treguar se kishte frikë kur ikte në shkollë pasi gjithnjë kur kthehej e gjente mamanë e saj në lot.
Detaje të tjera tregojnë se Zhaboli ka dëshmuar se e ka dëgjuar bashkëshorten e tij duke folur me njerëz të tjerë dhe ndaj e ruante me kamera të cilat i kishte lidhur me aparatet e tij celularë për të monitoruar çdo veprim.
35-vjeçari gjithashtu kishte instaluar pajisje për bllokimin e valëve dhe madje ndërpriste edhe energjinë elektrike. Sipas informacioneve, Zhaboli gjithashtu terrorizonte fëmijët.
Sa herë që ai largohej, u ndalonte komunikimin me persona të tjerë, si dhe ushtronte dhunë fizike dhe psikologjike, në mënyrë të vazhdueshme, ndaj bashkëshortes.
Lini një Përgjigje