FLASH
Shkruar nga Pamfleti
Policia ka arrestuar një 32-vjeçar, i cili lëvizte me taksi, i armatosur me pistoletë dhe thikë me vete.
Sipas policisë, në pranga ra Anxhelino Çervanaku, i cili ka rezultuar si shtetas me precedent për krime kundër jetës. Gjatë kontrolleve iu gjetën në çantë 1 pistoletë me municion luftarak, 1 thikë, 9 mijë e 900 euro dhe 250 mijë lekë.
32-vjeçari u arrestua në flagrancë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
"Tiranë/Finalizohet operacioni policor “Pasagjeri”. Lëvizte me taksi, i armatosur me pistoletë dhe me thikë, arrestohet në flagrancë 32-vjeçari. I arrestuari, shtetas me precedent për krime kundër jetës.
Sekuestrohen arma e zjarrit me municion, mjeti prerës dhe shuma parash në lekë dhe në euro, që iu gjetën 32-vjeçarit, në çantë.
Shërbimet e Forcës së Posaçme “Shqiponja”, pas sigurimit të informacionit se një shtetas me precedent kriminal, lëvizte i armatosur, me taksi, për të shmangur kontrollet e Policisë, kanë ndërhyrë menjëherë për ta kapur dhe vënë në pranga.
Si rezultat i veprimeve të shpejta dhe profesionale operacionale, të kryera në kuadër të operacionit “Pasagjeri”, u ndalua në rrugën “Mysym Keta”, taksia me të cilën lëvizte shtetasi A. Ç., 32 vjeç.
Nga kontrollet, iu gjetën në çantë, 1 armë zjarri pistoletë me municion luftarak, 1 mjet prerës (thikë), 9900 euro dhe 250 000 lekë.
Në përfundim të veprimeve procedurale, 32-vjeçari u arrestua në flagrancë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”, si dhe materialet iu referuan Prokurorisë së Tiranës, për veprime të mëtejshme", njofton policia.
Lini një Përgjigje