FLASH
Shkruar nga Pamfleti
Një ngjarje e pazakontë është regjistruar në Durrës, ku një 39-vjeçar ka kanosur me armë sportive, konkretisht një pistoletë, punonjësit e Policisë Bashkiake.
Sipas policisë, 39-vjeçari Gentjan Kërçuku, banues në Tiranë, ka tentuar të krijojë frikë duke u prezantuar si oficer i strukturave ligjzbatuese. Ngjarja ka ndodhur gjatë një konflikti për motive të dobëta, ndërsa Policia ka reaguar menjëherë duke e kapur dhe arrestuar në flagrancë.
Gjatë arrestimit, është sekuestruar arma e përdorur në kërcënim, një pistoletë sportive.
"Kanosi me armë sportive, punonjësit e Policisë Bashkiake, duke u prezantuar si oficer i strukturave ligjzbatuese, Policia kap dhe vë në pranga 39-vjeçarin.
Sekuestrohet arma sportive (pistoletë).
Specialistët për Hetimin e Krimeve të Komisariatit Durrës arrestuan në flagrancë shtetasin G. K., 39 vjeç, banues në Tiranë, pasi gjatë një konflikti për motive të dobëta, ka kanosur me armë sportive pistoletë, punonjësit e Policisë Bashkiake, duke u prezantuar si punonjës i strukturave ligjzbatuese.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme", thuhet në njoftimin e policisë.
Lini një Përgjigje