FLASH
Shkruar nga PamfletiGjatë kontrolleve dhe hetimeve janë sekuestruar kokainë, 2200 tableta ekstazi (MDMA) dhe 11 aparate celularë.
Gjykata e Tiranës ka lëshuar 11 masa sigurie për administratorë e punonjës të lokaleve të natës në Tiranë që operojnë kryesisht në zonën e ish-Bllokut të akuzuar për shpërndarje të lëndëve narkotike brenda ambientit.
Deri tani janë 9 persona të arrestuar, 2 prej tyre më parë ndërsa 2 të tjerë janë ende në kërkim.
Personat e arrestuar janë: Enis Haxhiaj, Akil Ndreu, Klevis Maqellari, Raul Loka, Endrijus Shaliu, Ergi Hasani, Migert Balla, Arli Gjokmeli dhe Fradjo Keli.
Orges (Dritan) Jahelezi është arrestuar në flagrancë pasi kishte thyer masën e sigurisë “arrest shtëpie”. Ai është dënuar më parë nga GJKKO për trafik droge.
Akil Ndreu rezulton të jetë administrator i barit ‘N’Dashni’ me vendndodhje në rrugën “Pjetër Bogdani”, ndërsa Fradjo Keli rezulton pronar i një bar-kafe në rrugën “Mine Peza”.
Gjatë operacionit policia ka gjetur dhe sekuestruar rreth 100 gramë kokainë, 2200 tableta ekstazi (MDMA) dhe 11 aparate celularë.
“Finalizohet, pas disa muajsh hetimesh me metoda proaktive, nga Seksioni për Hetimin e Narkotikëve, në bashkëpunim me Prokurorinë e Tiranës, operacioni policor i koduar “Night Clubs”.
Gjatë periudhës hetimore janë identifikuar 11 shtetas, punonjës ose administratorë të lokaleve të natës në zonën e Ish-Bllokut, të cilët dyshohet se shpërndanin lëndë narkotike në brendësi të ambienteve ku ushtronin aktivitetin.
Nga 11 masa sigurie të caktuara nga Gjykata, u ekzekutuan 9 masa sigurie “Arrest në burg”.
Vijon puna për kapjen e 2 shtetasve të tjerë. Ndërkohë, 2 shtetas të tjerë janë arrestuar më parë, gjatë periudhës hetimore", njoftoi policia.
Lini një Përgjigje