FLASH
Shkruar nga Pamfleti
Një operacion i përbashkët kontrolli është zhvilluar në Porto Romano nga Dega e Doganës Durrës dhe Policia Kufitare, me fokus parandalimin e aktivitetit të paligjshëm në hyrje të territorit shqiptar.
Kontrollet janë bazuar në analiza risku dhe informacione operative, duke u përqendruar në mjete dhe subjekte të dyshuara. Në terren, agjentët kanë kryer verifikime të imtësishme ndaj automjeteve të importuara në portin e ri.
Gjatë operacionit janë përdorur edhe qen antidrogë, të specializuar për zbulimin e lëndëve të paligjshme, duke rritur nivelin e kontrollit dhe sigurisë në pikën hyrëse.
Autoritetet doganore dhe Policia e Shtetit theksojnë se aksione të tilla do të vijojnë, me qëllim forcimin e kontrollit dhe garantimin e një qarkullimi të sigurt dhe transparent të mallrave dhe mjeteve.
Lini një Përgjigje