FLASH
Shkruar nga Pamfleti
Policia e Tiranës ka sekuestruar një automjet të dyshuar të vjedhur jashtë vendit.
Sipas policisë, bëhet fjalë për një automjet tip “Audi SQ8”, me vlerë rreth 50 mijë euro, i cili pas verifikimeve rezultoi i vjedhur në Itali.
Në lidhje me këtë rast, është identifikuar dhe proceduar penalisht shtetasi V. T., 44 vjeç, i dyshuar se ka trafikuar automjetin drejt Shqipërisë me qëllim shitjen.
Autoritetet bëjnë me dije se goditja e këtij rasti erdhi si rezultat i punës hetimore dhe operacionale nga specialistët për Hetimin e Trafiqeve të Paligjshme, ndërsa operacioni “Stolen Line” vijon për evidentimin e rasteve të tjera të ngjashme.
"Sekuestrohet një tjetër automjet i vjedhur jashtë shtetit, tip “Audi SQ8”, me vlerë rreth 50 000 euro.
Identifikohet dhe procedohet penalisht 1 shtetas, i dyshuar për trafikimin e automjetit të vjedhur në Itali, me qëllim shitjen në Shqipëri.
Si rezultat i punës hetimore dhe operacionale, në vijim të operacionit “Stolen Line”, me objektiv goditjen e rasteve të trafikimit në Shqipëri të automjeteve të vjedhura jashtë shtetit, specialistët e Seksionit për Hetimin e Trafiqeve të Paligjshme goditën një tjetër rast të kësaj veprimtarie.
Në vijim të veprimeve procedurale u sekuestrua një automjet tip “Audi SQ8”, me vlerë rreth 50 000 euro, i cili, nga verifikimet, rezultoi i vjedhur në Itali.
Për këtë rast nisi procedimi penal për shtetasin V. T., 44 vjeç, i cili dyshohet se e ka sjellë automjetin në Shqipëri, me qëllim shitjen. Operacioni “Stolen Line” vijon. Materialet procedurale iu referuan Prokurorisë së Tiranës, për veprime të mëtejshme.", njofton policia.
Lini një Përgjigje