FLASH
Shkruar nga Pamfleti
Një 45 vjeçar shqiptar ka rënë në prangat e policisë italiane pasi ishte dënuar për vrasje në vendin tonë.
Mediat italiane shkruajnë se ndalimi i tij është bërë në Torino pasi ishte i dënuar me mbi 13 vite burg për vrasje dhe për armëmbajtje pa leje.
Së bashku me persona të tjerë, ai është përgjegjës për vrasjen e një bashkëatdhetari dhe plagosjen e një tjetri, ngjarje e vitit 1997. Prej asaj kohe ai ishte i zhdukur.
“Ekzekutimi i masës shtrënguese përbën epilogun e hetimeve të kryera edhe në nivel ndërkombëtar, falë aktiviteteve specifike të kryera nga shërbimi i bashkëpunimit ndërkombëtar policor të drejtorisë qendrore të policisë kriminale, në lidhje të ngushtë me palën policore shqiptare.", shkruhet nga Komisariati i Torinos.
Lini një Përgjigje