FLASH
Shkruar nga Pamfleti
Dënohet me burgim të përjetshëm 37-vjeçari Besmir Ademi i cili goditi me thikë nënën e tre fëmijëve të tij në parkingun përballë një dyqani kompjuterësh dhe më pas e filmoi teksa vdiste.
Gjykata e Gjermanisë theksoi peshën e rëndë të fajit të të pandehurit.
Edhe pse kjo lejon ligjërisht lirimin nga burgu pas 15 vitesh, në praktikë është pothuajse e pamundur. Aktgjykimi nuk është përfundimtar.
Në ditën e parë të gjyqit, shqiptari, i cili nuk donte të pranonte ndarjen nga gruaja, ka rrëfyer se ka vrarë 28-vjeçaren Jetmira Beka.
“Fëmijët i kam lënë jetimë. Do të bëja gjithçka për ta zhbërë. Nuk e mbaj mend aktin. Ka vetëm një vrimë të madhe të zezë”, tha Besmir Ademi.
Krimi i përgjakshëm ndodhi më 20 maj 2023. Besmir Ademi kishte marrë masa që të takoheshin në një parking të Obit për t’ia dorëzuar gruas së tij një nga tre fëmijët. Por në vend të vajzës së tij ai erdhi me një thikë kasapi.
Sipas prokurorisë, ai e ka goditur 20 herë me thikë gruan e tij, duke e lënë të vdekur në vendin e ngjarjes. Gjashtë nga goditjet me thikë ishin fatale. Disa kocka u thyen nga forca e goditjes. Motra e saj tentoi të ndërhynte por u plagos lehtë. Disa klientë në dyqanin e pajisjeve dëshmuan sulmin e tmerrshëm.
Pas aktit të përgjakshëm, vrasësi ka filmuar me celular gruan e tij deri në vdekje dhe njëkohësisht ka buzëqeshur. Celulari dhe arma e vrasjes nuk u gjetën kurrë.
I pandehuri, i cili nuk kishte asnjë dënim të mëparshëm, ishte xheloz dhe ushtronte “sjellje të padurueshme kontrolluese” ndaj gruas. Ai ishte i dëshpëruar, “i shoqëruar me zemërimin e pakufishëm që ajo kishte guxuar t’i shmangej zotërimit të tij”.
Lini një Përgjigje