FLASH
Shkruar nga Pamfleti
Zbardhen detaje të reja nga gjyqi më i madh që po ndodh në Belgjikë. Janë 125 persona që kanë dalë para gjykatës, si dhe 4 kompani, kjo falë aplikacionit “Sky ECC”. Ata akuzohen për trafiqe dhe shumica janë shqiptarë. Mediat vendase shkruajnë se një nga krerët e grupit është shqiptar dhe ai ka vendosur të flasë i pari.
Artikulli i plotë
“Zonja drejtuese, luajta kumar dhe humba”.
Një 50-vjeçar shqiptar, i gjykuar në Bruksel si drejtuesi i dyshuar i trafikut të kokainës, ka rrëfyer të hënën përfshirjen e tij në transportin e drogës në të gjithë Evropën, përpara se të arrestohej nga policia belge në vitin 2021.
Eridan Munoz Guerrero është një nga të pandehurit kryesorë në këtë mega-gjyq në Bruksel, së bashku me më shumë se 120 persona të tjerë – francezë, belgë, shqiptarë, kolumbianë apo afrikano-veriorë – të zbuluar kryesisht falë dekriptimit të mesazheve në Encrochat dhe Sky
Shqiptari shpjegoi se ishte përgjegjës për marrjen me qira të makinave luksoze dhe monitorimin e shoferëve që dërgonin kokainë në Itali, Gjermani dhe madje edhe Suedi, kjo përmes Belgjikës.
“Marr përgjegjësinë për atë që kam bërë, konfirmoj të gjitha deklaratat e mia në polici, konfirmoj se kam drejtuar një grup trafikantësh”, deklaroi ai.
Guerrero vuri në dukje në veçanti se ishte përgjegjës për vendosjen e arkave të drogës në makinat e përdorura për dërgesa. Por "ka njëqind njerëz këtu që unë as nuk i njoh", shtoi Eridan Munoz Guerrero, në një frëngjishte të qartë.
Çështja ka të bëjë me trafikun e gjerë ndërkombëtar të kokainës dhe kanabisit, të goditur nga policia belge në vitet 2021-2022 në bashkëpunim me aleatët në Itali dhe Gjermani.
Droga transportohej në kontejnerë nga Amerika e Jugut dhe Maroku, përkatësisht, nëpërmjet porteve të Antëerp, Roterdam, Hamburg dhe Le Havre. Kokaina përpunohej në Belgjikë, ndonjëherë e përzierë me kimikate.
Eridan Munoz Guerrero, i lindur në Shqipëri në vitin 1973 dhe i cili ka jetuar në vitet 2000 në Gjermani, ku është i njohur për gjykatat, është mes dhjetëra të pandehurve të cilësuar si “udhëheqës” të dyshuar të organizatave kriminale.
Gjithsej 125 persona u gjykuan, duke përfshirë një që nuk u identifikua kurrë. Kësaj i shtohen edhe katër kompani të themeluara në Belgjikë, të dyshuara për fshehje të aktiviteteve të paligjshme.
Disa të pandehur si Munoz Guerrero kanë qenë në paraburgim në Belgjikë që nga arrestimi i tyre. Të tjerët janë lënë në arrest shtëpie.
Pjesëmarrja në një organizatë kriminale, shkelje e legjislacionit për drogën, trafiku i armëve etj., janë disa nga veprat penale për të cilat akuzohen të pendehurit. Bëhet fjalë edhe për rrëmbim dhe tentim zhvatjeje.
Gjyqi pritet të zgjasë të paktën katër muaj, me tre ditë seanca në javë.
Përveç konfiskimeve të bëra në porte apo në laboratorët e përpunimit të kokainës që operonin në Belgjikë, hetimi u bazua në informacionin e përgjuar në Encrochat dhe Sky ECC.
Këto sisteme telefonike të koduara, shumë të njohura për kriminelët, u çmontuan në vitin 2020 dhe 2021 falë përpjekjeve të përbashkëta të policisë holandeze, franceze dhe belge.
Lidhur me Eridan Munoz Guerrero, hetuesit identifikuan të paktën katër pseudonime të ndryshme të përdorura për të komunikuar në Sky ECC. /Lesoir
Lini një Përgjigje