FLASH
Shkruar nga Pamfleti
Vijon të mbetet mister ekzekutimi me një plumb në kokë të 47-vjeçarit shqiptar, krim i ndodhur pasditen e së hënës, në një prej zonave të Athinës. Shqiptari Artur Bashimi, person me precedent criminal, u gjet në rrugë pa shenja jete, ndërsa pranë tij, ndodhej një gëzhojë.
Autori i ngjarjes ende nuk është arrestuar, ndërsa janë mbledhur pamje nga kamerat e sigurisë që mbulojnë zonën për të hedhur më shumë dritë mbi ngjarjen.
I njohur edhe si Artur Turabi, Bashimi ishte arrestuar në vitin 2022 për pjesëmarrje në një organizatë kriminale që kryente vjedhje kundër pasagjerëve në transportin publik.
Artur Bashimi rezulton të jetë vëllai i 38-vjeçarit Marsel Bashimi alias Marsel Shkurtaj alias Marsel Gozhita, person me precedentë të rëndë penalë në Greqi e Shqipëri. Marsel Bashimi në korrik 2022 u arrestua bashkë me Bledar Jambellin dhe Kristaq Lecin, si autorë të një ngjarjeje të rëndë me përdorim armësh në Greqi.
Ndaj autoritetet në Greqi po hetojnë edhe pistën e hakmarrjes ndaj 47-vjeçarit për shkak të problemeve të të vëllait.
Gjithsesi sipas media greke, pista më e zakonshme është ajo e prishjes së pazareve të drogës. Viktima u arrestua në shkurt 2022 për pjesëmarrje në një organizatë kriminale me 19 anëtarë që grabiste qytetarë të pafajshëm në transportin publik. Në prill 2024, ai u arrestua përsëri për akuza të ngjashme.
Lini një Përgjigje