FLASH
Shkruar nga Pamfleti
Efektivi i policisë Admir Okaj u dhunua me sende të forta ditën e sotme pranë shtëpisë në zonën e Zdrales.
Sipas njoftimit zyrtar të policisë, dyshohet se gjatë një konflikti të çastit, për motive të dobëta, Ormir Gocia, 47 vjeç, ka dëmtuar në kokë, me sende të forta, efektivin Admir Okaj, 49 vjeç, banues në Shkodër.
Mësohet se gjatë konfliktit arma e shërbimit të efektivit Okaj është shkrepur në mënyrë të pavullnetshme, por pa shkaktuar dëmtime.
Ndërkohë, në lidhje me këtë ngjarje, AMP po kryen veprime për të zbardhur rrethanat e përdorimit ose jo të armës së zjarrit, si dhe për të përcaktuar nëse shkrepja e armës ka qenë e pavullnetshme.
"Rreth orës 15:45, dyshohet se gjatë një konflikti të çastit, për motive të dobëta, shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, banues në Shkodër (punonjës policie, jashtë shërbimit), i cili po merr mjekim në spitalin rajonal të Shkodrës dhe është jashtë rrezikut për jetën.
Gjatë konfliktit dyshohet se arma e shërbimit e punonjësit të Policisë është shkrepur në mënyrë të pavullnetshme, por pa shkaktuar dëmtime.
Shërbimet e Policisë, me marrjen e njoftimit, shkuan menjëherë në vendin e ngjarjes dhe vijojnë krehjen e zonës, për kapjen e 47-vjeçarit.
Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes. Ndërkohë, në lidhje me këtë ngjarje, po kryen veprime edhe AMP, për të zbardhur rrethanat e përdorimit ose jo të armës së zjarrit, si dhe për të përcaktuar nëse shkrepja e armës ka qenë e pavullnetshme", njofton policia.
Lini një Përgjigje