FLASH
Shkruar nga Pamfleti
Ardit Kraja njihet si biznesmen i fuqishëm në Shqipëri, me të paktën 10 kompani që operojnë në fusha të ndryshme si edhe në ndërtim. Ndërsa gjatë kohës që lojërat e fatit ishin të ligjshme, ai kishte një prej kompanive më të mëdha të basteve në vend.
Ardit Kraja, biznesmeni i lojërave të fatit dhe ish-pronari i “Superbast” është arrestuar nga policia e Kosovës ditën e sotme.
Kraja është vënë në pranga në një nga pikat kufitare të Kosovës, pasi ka rezultuar se ndaj tij ishte lëshuar një urdhër arresti nga dy gjykata në Kosovë me akuzën e krijimit të skemave piramidale dhe lojëra fati të paligjshme.
Ardit Kraja është bashkëshorti i moderatores Ilda Bejleri, me të cilën ka një vajzë.
49-vjeçari raportohet se është ndaluar të mërkurën në pikën kufitare të Vërmicës, ndërsa arrestet ndaj tij janë lëshuar nga Gjykata Themelore në Prizren dhe ajo në Mitrovicë për shkak të dyshimit se ka kryer veprën penale “Organizim i skemave piramidale dhe bixhozit të paligjshëm.
Sipas raportimeve të Insajderi, gjykata ka urdhëruar që biznesmeni shkodran fillimisht të merret në pyetje nga Prokurori i Prokurorisë Themelore në Mitrovicë, dhe të ndalohet për 48 orë.
Kraja dyshohet se investonte të hapjen e pikave të basteve në Kosovë, duke u dhënë programin, linkun dhe kodet e operimit personave të ndryshëm, madje edhe duke investuar në bizneset e tyre. Sipas hetimeve, Kraja merrte 60% të fitimit nga bastet që vendoseshin.
Ardit Kraja njihet si biznesmen i fuqishëm në Shqipëri, me të paktën 10 kompani që operojnë në fusha të ndryshme si edhe në ndërtim. Ndërsa gjatë kohës që lojërat e fatit ishin të ligjshme, ai kishte një prej kompanive më të mëdha të basteve në vend.
Kur Prokuroria Speciale e Kosovës ngriti aktakuzë kundër punëtorëve të bixhozit në Kosovë Skerdi Feros, Sokol Stafajt, Alban Petit, Lulzim Paqaradës, Fidan Hoxhës, Gasper Kaçinarit, Jozef Gjinit, Fisnik Sadrijat, Flakron Kurteshit e Rrezarta Miftarajt, i kishte përshkruar si të angazhuar të Ardit Krajës.
“…të akuzuarit në këtë rast dikur kanë punuar për bastoret e shtetasit të Shqipërisë, Ardit Kraja, dhe pas muajit prill 2019 kur në Kosovë bixhozi “thjesht kanë vazhduar me aktivitete e njëjta”, thuhet në aktakuzën e Prokurorisë.
Lini një Përgjigje