FLASH
Shkruar nga Pamfleti
Pak orë pas arrestimit të shumë të kërkuarit Ramazan Rraja me pistoletë në brez, forca të shumta policie dhe të Ndërhyrjes së Shpejtë kanë zbarkur në orët e para të ditës së sotme në aksin Rinas-Fushë Krujë.
Sipas burimeve jo zyrtare bëhet me dije se janë mbi 6 furgonë të FNSH-së së Durrësit dhe Tiranës të cilët po zhvillojnë një aksion që duket se në fokus ka zonën e aeroportit të Rinasit.
Ramazan Rraja, nipi i deputetit të PS-së, Rrahman Rraja, është arrestuar ditën e djeshme në zonën e njohur si Ura e Gjoles.
Mësohet se në momentin e arrestimit, Rrajës i është gjetur me vete edhe një armë zjarri.
Ndaj Ramazan Rrajës ishte lëshuar një urdhër nga SPAK për shoqërimin e detyrueshëm për atentatin ndaj ish-prokurorit Arjan Ndoj.
Pas kontrollit që iu bën në banesë Rraja nuk u gjet, por u shoqërua disa kohë më vonë pasi është kthyer nga Emiratet e Bashkuara dhe, pasi u mbajt për disa orë në policinë e Tiranës, Rraja u la i lirë.
SPAK pretendon se Ramazan Rraja, kushëriri i tij Redjan Rraja dhe persona të tjerë në qytetin e Durrësit, kanë bashkëpunuar me njëri-tjetrin në atentatin e datës 1 nëntor 2019 në zonën e Sukthit, ku mbeti i vrarë Andi Maloku dhe u plagosën rëndë Landi Muharremi “Rrumi i Shijakut” dhe ish-prokurori i Durrësit, Arjan Ndoja.
Ramazan Raja, nipi i deputetit të Partisë Socialiste, Rahman Rrajës, është dënuar me 12 vite burg në Belgjikë.
Lini një Përgjigje