FLASH
Shkruar nga Pamfleti
Një aksident ka ndodhur mbrëmjen e sotme në hyrje të qytetit të Pogradecit, në kryqëzimin e rrugës së Drilonit.
Mësohet se një i ri i cili drejtonte një monopatinë është përplasur me një automjet tip BMW e cila ka qenë duke hyrë nga rruga kryesore në kryqëzim.
Për pasojë është plagosur në krah drejtuesi i monopatinës i cili po merr ndihmë mjekësore në spital dhe ndodhet jashtë rrezikut për jetën.
Policia mbërriti në vendngjarje për sqarimin e rrethanave, ndërsa drejtuesi i mjetit BMW deklaron se ka qenë monopatina e cila e ka goditur atë.
Fëmijët të çdo lloj moshe me monopatina janë bërë shqetësuese kohët e fundit pasi lëvizin në rrugë pa njohur rregullat e qarkullimit dhe në shumë raste bëhen shkak për aksidente të ndryshme.
Lini një Përgjigje