FLASH
Shkruar nga Pamfleti
Një aksident automobilistik u regjistrua pasditen e sotme në aksin nacional Korçë–Maliq, pranë fshatit Bulgarec.
Sipas të dhënave paraprake, një automjet tip “Opel Corsa”, në tentativë për t’u futur në një rrugë dytësore, është përplasur kokë më kokë me një mjet tip “BMW” që po qarkullonte në aksin kryesor.
Si pasojë e përplasjes kanë mbetur të lënduar tre persona, anëtarë të një familjeje, babai dhe dy fëmijët e mitur. Ata janë transportuar me urgjencë drejt spitalit rajonal të Korçës për ndihmë mjekësore.
Burime spitalore bëjnë me dije se dy të miturit ndodhen në repartin e pediatrisë dhe janë jashtë rrezikut për jetën.
Në vendngjarje ndodhen shërbimet e policisë, të cilat po punojnë për zbardhjen e plotë të rrethanave të aksidentit.
Lini një Përgjigje