FLASH
Shkruar nga Pamfleti
Një aksident i rëndë rrugor është regjistruar në orët e para të mëngjesit të sotëm në zonën e Selvisë, në Tiranë, ku një automjet është përplasur me një motor.
Mësohet se ngjarja ka ndodhur rreth orës 03:00. Si pasojë e përplasjes kanë mbetur të lënduar dy të rinj, rreth 20 vjeç, të identifikuar si Gledis Zefi dhe Abdurrahman Bollati, të cilët po udhëtonin me motor në momentin e aksidentit.
Të plagosurit janë transportuar menjëherë në Spitalin e Traumës për të marrë ndihmë mjekësore. Sipas burimeve, Gledis Zefi ndodhet në gjendje të rëndë shëndetësore, ndërsa Abdurrahman Bollati, i cili drejtonte motorin, është në gjendje të qëndrueshme.
Autoritetet po punojnë për të sqaruar shkaqet dhe rrethanat e aksidentit.
Lini një Përgjigje