FLASH
Shkruar nga Pamfleti
Një aksident i rëndë me pasojë vdekjen është regjistruar mbrëmjen e kësaj të hëne në Shkodër.
Sipas policisë, ngjarja ka ndodhur rreth orës 19:25, në aksin rrugor “Shtoj – Ish-Reparti Ushtarak”, në një rrugë dytësore të zonës.
Nga të dhënat paraprake, shtetasi N. K., duke drejtuar automjetin e tij, dyshohet se ka humbur kontrollin mbi drejtimin e mjetit, duke bërë që makina të përplaset fillimisht me një shtyllë dhe më pas me një mur rrethues.
Si pasojë e përplasjes së fortë, drejtuesi i automjetit ka humbur jetën.
Në vendin e ngjarjes kanë mbërritur shërbimet e policisë dhe grupi hetimor, i cili po punon për zbardhjen e plotë të rrethanave dhe shkaqeve të aksidentit.
Lini një Përgjigje