FLASH
Shkruar nga Diplomatico | Pamfleti.net
SHBA po dërgon një mesazh të drejtpërdrejtë: kur një shtet kthehet në platformë të trafikut ndërkombëtar të drogës, ai nuk trajtohet më si partner sovran, por si kërcënim sigurie.
Ndërhyrja e fundit e Shteteve të Bashkuara në Venezuelë dhe shpallja e rrjeteve shtetërore të lidhura me trafikun e drogës si organizata terroriste shënon një kthesë të rëndësishme në qasjen amerikane ndaj asaj që në diplomacinë moderne quhet gjithnjë e më shpesh “narko‑regjim”.
Nuk bëhet fjalë thjesht për një goditje ndaj Nicolás Maduro-s, por për një sinjal global: imuniteti politik për pushtetin e ndërtuar mbi drogë, korrupsion dhe dhunë nuk është më i garantuar.
Prej vitesh, një numër regjimesh autoritare kanë mbijetuar duke përdorur krimin e organizuar si burim financimi, instrument kontrolli dhe mjet ndikimi gjeopolitik. Trafiku ndërkombëtar i drogës, pastrimi i parave dhe bashkëpunimi me grupe të armatosura janë shndërruar në pjesë të arkitekturës së pushtetit në disa vende. Deri vonë, këto regjime fshiheshin pas parimit të sovranitetit dhe bllokimit në OKB, duke e bërë reagimin ndërkombëtar të dobët ose të pamundur.
Aksioni amerikan në Venezuelë tregon se kjo fazë po mbyllet. SHBA po dërgon një mesazh të drejtpërdrejtë: kur një shtet kthehet në platformë të trafikut ndërkombëtar të drogës, ai nuk trajtohet më si partner sovran, por si kërcënim sigurie.
Ky mesazh nuk është selektiv dhe nuk i drejtohet vetëm Amerikës Latine. Ai u drejtohet të gjithë liderëve autoritarë që mendojnë se mund të negociojnë pafundësisht me Perëndimin, ndërkohë që tolerojnë ose mbështesin rrjete kriminale në territorin e tyre.
Në këtë kontekst, edhe Shqipëria nuk mund të shihet jashtë panoramës globale. Për vite me radhë, media të ndryshme ndërkombëtare dhe raporte kritike e kanë etiketuar vendin si një “nyje problematike” në hartën e trafikut të drogës, veçanërisht në kanabis dhe më pas në rrjete tranziti drejt Europës. Këto etiketime, shpesh të ekzagjeruara ose të politizuara, nuk e kanë çuar kurrë Shqipërinë në kategorinë e një narko‑shteti në kuptimin e Venezuelës.
Është e rëndësishme të bëhet dallimi: Shqipëria nuk është një shtet i izoluar apo armiqësor ndaj SHBA-së. Përkundrazi, ajo mbetet aleate e fortë e Uashingtonit dhe pjesë e arkitekturës euro‑atlantike të sigurisë. Një ndërhyrje amerikane e tipit Venezuelë ndaj Shqipërisë është jo vetëm e paimagjinueshme, por edhe politikisht e pamundur.
Megjithatë, kjo nuk do të thotë se mesazhi amerikan nuk e prek edhe Tiranën. Përkundrazi. Ambasada e SHBA në Shqipëri e ka theksuar në mënyrë të vazhdueshme se lufta kundër trafikut ndërkombëtar të drogës, krimit të organizuar dhe pastrimit të parave është prioritet absolut. Këto mesazhe nuk janë formale; ato janë paralajmërime politike dhe strategjike.
Me rikthimin e një qasjeje më të ashpër amerikane ndaj narko‑regjimeve, veçanërisht nën administratën e Donald Trump, sinjali është edhe më i qartë: SHBA nuk toleron shtete që bëjnë kompromis me krimin. Aleanca nuk është çek i bardhë. Ajo kërkon standarde.
Në këtë kuptim, Venezuela nuk është vetëm një rast ekstrem, por një shembull ndëshkues. Një paralajmërim për të gjithë: kush e ndërton pushtetin mbi drogë, korrupsion dhe lidhje kriminale, herët a vonë del nga zona e mbrojtur diplomatike.
Në fund, mesazhi global është i thjeshtë dhe brutal në realizëm: epoka e justifikimeve ka mbaruar. Sovraniteti nuk mund të përdoret si mburojë për krimin shtetëror. Dhe ndërhyrja amerikane në Venezuelë tregon se, në një botë ku rendi ndërkombëtar po dobësohet, forca do të përdoret aty ku ligji nuk funksionon më.
Për Shqipërinë dhe për çdo vend tjetër aleat, ky është moment reflektimi: jo nga frika e ndëshkimit, por nga nevoja për të qenë në anën e duhur të historisë. /Pamfleti
Hahha sdm kur ke vaj
Shihni nje dokumentar te viteve 80te,me sa me kujtohet me tilull "This is America", ku rinia shkonte ne venue te hapura e shkerdheheshin ne grup e ishin te pire. Me ligj ne Amelike e Eulope nuk lejohen bordellot por bordellot funksionojne me se miri e quhen zona me drita te kuqe. Ne se shtetet e "perparuara" i zbatojne ligjet qe kane per te mbrojtur popullaten le te hyje droga me me vaporre e aeroplane e nuk ben asnje lloj demi. Po nuk pati kerkesa nuk shitet malli. Njerezia blejne mall te ushqehen, vishen, streohen, argetohen e kenaqen e jo te shkallohen. Pse e bejne kete? Qe te harrojne hallet e ndyra mbi koke qe ua krijon sistemi "mireberes". Ne se del lakuriq ne publik te arrestojne e nderkohe jepen dokumentare e programe ne Televizione ku njerezit e zheshur zgjedhin "shoku shoqen" e jetes. Pse ndodhin keto? Sepse BB e mutra te tjera shpellajne trute e brezave te ardhshem. John Lenon u vra nga nje "psikopat" sepse beri e kendoi kengen e fameshme "Imagine". Ne England shume te vjeter kur vdesin lene amanet qe kur varrosen te ekxekutohet "Imagine" e John Lenon. Kam qene prezent qe e permend kete fakt.