FLASH
Shkruar nga Sokol Pepushaj
Është fundi Edi Ramës. Nga dita në ditë, gjithë njerëzia pret përballjen e tij me drejtësinë.
Nuk mund të ndodhte ndryshe, pasi doli çuditshëm nga lista publike e refugjatëve në Paris dhe u listua fshehtas si Lugat i luginave të ujqërve të Ballkanit.
I njohur nëpër dosjet e huaja hetimore si gomari i Aleks Soros, kali i McGonigalit, karroca e krimit, dragoi i drogës dhe nëpër dokumentet e SPAK-ut, si luani i pyllit, tigri i tenderëve, ujku i fondeve publike, maçoku i peshqve, sot, ka humbur instinktin e qenit që nuhaste pazare lart e larg.
Pa u larguar lagështira e lajmit, se Amerika e tërhoqi ushtrinë e vet nga lufta me krimin, një detashment ekspertësh të drejtësisë amerikane, me praninë e tyre këtu, na e kanë zhburrëruar Bablokun.
Nuk i ka oreks as fluturimi me charter mbi re, as pushteti mbi SPAK-un, as shishja e verës 33 000 euroshe, pasi “djajve” që kishte futur në shishe, ia hapi tapën çelësi i të fshehtave të hetimit të hollë të dosjes së ish shefit të FBI-së Charles McGonigal.
Po torturohet Babloku rrugës për në burg.
Amerikanët e mbyllën në murg, e zhburrëruan më keq se Ilir Metën.
Edhe aroma e pushtetit po i venitet, pasi nuk gjen askund në pazar parfum diplomatik të mbulojë erën e keqe të korrupsionit.
Zëri nuk i ndez, gjuha i belbëzon e nuk i prodhon as lëng të kripur as të helmtë.
Helbete, luftë është kjo, e nuk është hera e parë që hajdutët zhburrërohen rrugës për në burg./Pamfleti
Lini një Përgjigje