FLASH
Shkruar nga Pamfleti
Në Zvërnec, tela me gjemba dhe roje të maskuara nxorën qindra njerëz në protestë dhe rrëzuan një drejtor police brenda dy ditësh. Në Butrint, një VKM e heshtur hoqi 802 hektarë zonë të mbrojtur, lejoi beton mbi rrënoja 2500-vjeçare dhe asnjë qytetar nuk reagoi. Ku ishin të njëjtët ambientalistë të revoltuar sot, kur Mirela Kumbaro firmoste varrimin e 802 hektarëve në Butrint?
Shqipëria di të zemërohet. E pamë këtë javë në Zvërnec. Rrethimi me tela me gjemba i një trualli pranë lagunës së Nartës nxori në rrugë qindra banorë e aktivistë. Roje private të maskuara të kompanisë "Major Security" tërhoqën zvarrë një qytetar dhe përdorën spraj me piper para kamerave. Reagimi publik detyroi Policinë e Shtetit të pezullonte drejtorin e Vlorës, Elidon Çela. Brenda dyzet e tetë orësh, një projekt turistik prej katër miliardë eurosh, me emrat e Jared Kushner, Ivanka Trump dhe vëllezërve katarezë Al-Khayyat pas tij, u kthye në betejën kombëtare të momentit.
Tre vjet më parë, në janar 2022, një firmë e vetme mbi një vendim qeverie hoqi 802 hektarë nga Parku Kombëtar i Butrintit. Nuk doli askush në rrugë. Nuk u pezullua asnjë drejtor police. Nuk u bë virale asnjë pamje.
Firmën e kishte vënë Mirela Kumbaro.
Krahasimi mes këtyre dy ngjarjeve nuk është thjesht një ushtrim moral. Zbulohet një e vërtetë e papërshtatshme për të gjithë ne: indinjata në Shqipëri nuk aktivizohet nga pesha e shkeljes, por nga dukshmëria e saj. Kjo asimetri u shërben mrekullisht atyre që grabisin në heshtje.
Çfarë fshihet në dosjen e Butrintit
Faktet nuk janë spekulim. Kontrolli i Lartë i Shtetit i ka dokumentuar të gjitha. Me propozimin e ish-ministres Mirela Kumbaro, Këshilli i Ministrave miratoi VKM-në nr. 59, e cila tkurri Parkun Kombëtar të Butrintit nga 9,424.4 hektarë në 8,622.2 hektarë. Vendimi u mor pa asnjë studim shkencor mbështetës. Relacionet shoqëruese nuk shpjegonin as arsyet që diktuan nevojën e ndërhyrjes.
Brenda kësaj heqjeje, dokumentohet spostimi artificial i rreth 16 hektarëve të Liqenit të Bufit jashtë kufirit të ri të zonës së mbrojtur, drejt kontrollit të trafikantit Gjergj Luca. Një monument natyre me ujë të mjelmët dhe specie peshku që nuk gjenden askund tjetër në Shqipëri, i dhuruar me firmë. Shqipëria reduktoi zonën e mbrojtur nga Konventa Ramsar me 643.32 hektarë pa njoftuar Sekretariatin e Konventës. Raporti i KLSH-së e cilëson shkelje të konventave ndërkombëtare me rrezik penalitetesh.
Pikërisht në këtë territor të zhveshur nga mbrojtja ligjore, mbi një mur 2500-vjeçar, u ngritën themelet e betonit të Alb Star Resort. Në zemër të Butrintit, aty ku historia botërore prehet nën dhe, sipërmarrësit që gëzuan mbrojtjen e heshtur të Kumbaros ngulën beton mbi trashëgiminë tonë. Nuk mjaftoi dhuna ndaj historisë. Konflikti për këtë plaçkë turistike degjeneroi në dhunë fizike mes vetë pronarëve të resortit, një sherr që la pas të plagosur. Ja çfarë mbolli një firmë e vetme në Butrint: një fushë betimi ku luftohesh me grushte për copën e tortës së një parku kombëtar të vrarë.
Grabitja territoriale e zonës më të mbrojtur ligjërisht në Shqipëri ka një peshë ndërkombëtare të shkeljes shumë më të rëndë se gjithçka që pretendohet te Zvërneci. Megjithatë, reagimi qytetar ndaj saj ishte zero. Heshtja jonë nuk ishte apati. Ishte bashkëfajësi.
Pse Zvërneci dhe jo Butrinti
Përgjigja qëndron në tre kushte që përcaktojnë nëse një grabitje prodhon turmë apo jo. Asnjëri prej tyre nuk lidhet me sa e rëndë është vepra.
Kushti i parë është dukshmëria fizike. Zvërneci kishte eskavatorë, tela me gjemba dhe dhunë trupore para kamerave. Butrinti u tkurr me një nënshkrim mbi një dokument. Truri i njeriut reagon ndaj kërcënimit që sheh, jo ndaj abstraksionit ligjor që lexon. Një roje e maskuar që godet një qytetar prodhon revoltë të menjëhershme. Një VKM në Fletoren Zyrtare, edhe kur firmoset për të zhdukur 802 hektarë e për të lejuar dhunën fizike mes investitorëve, nuk prodhon asgjë.
Kushti i dytë janë emrat e mëdhenj. Zvërneci mban firmat e dhëndrit të presidentit amerikan dhe të dy miliarderëve katarezë, ndaj tërheq mediat globale dhe gjithë ngarkesën politike që vjen me to. Butrinti ka Gjergj Lucën dhe pronarët e Alb Star që rrihen për plaçkën. Janë emra shqiptarë, pra histori që digjen brenda një dite. Asnjë "New York Times" nuk shkruan për betonin mbi muret helene, por të gjithë shkruajnë për dhëndrrin e Trump. Ky është tregu ynë i mjerë i indinjatës: importojmë turpin nga Amerika dhe injorojmë krimin e prodhuar në shtëpi.
Kushti i tretë, më i rëndësishmi, është mobilizimi i organizuar. Turma nuk mblidhet vetvetiu. Dikush e thërret, e strukturon, i jep ritëm. Atje ku ka aktorë të gatshëm të mobilizojnë, ka protestë. Atje ku nuk ka, grabitja kalon në heshtje pavarësisht peshës së saj.
Lind pyetja: ku ishin të njëjtët ambientalistë të revoltuar sot, kur Mirela Kumbaro firmoste varrimin e 802 hektarëve në Butrint?
Ku ishin kur pronarët e Alb Star përplaseshin fizikisht për para mbi themelet e Trashëgimisë Botërore?
Asimetria u shërben grabitësve të heshtur
Përfundimi është i hidhur. Selektiviteti i indinjatës nuk është thjesht dështim i shoqërisë civile. Është mekanizëm mbrojtës për ata që dinë të grabisin pa eskavatorë. Mënyra më e sigurt për të tjetërsuar një pasuri publike në Shqipëri nuk është ta rrethosh me tela me gjemba para banorëve. Është ta heqësh me një firmë mbi një vendim qeverie, pa makineri, pa konflikt të dukshëm, pa emra që tërheqin mediat e huaja.
Butrinti i Mirela Kumbaros është dëshmia se metoda e heshtur funksionon përsosmërisht. Zvërneci është dëshmia se metoda e dukshme dështon, sepse nuk i shpëton dot syrit.
Prandaj pyetja nuk është kush ka të drejtë te Zvërneci. Pyetja është kjo: pse një shtet që tkurr Parkun Kombëtar të Butrintit me 802 hektarë në heshtje të plotë, që redukton zonën Ramsar me 643 hektarë pa njoftuar askënd, që lejon beton mbi mure 2500-vjeçare dhe mbyll sytë para dhunës mes oligarkëve për këtë plaçkë, arrin ta paraqesë veten si mbrojtës i interesit publik sapo kamerat ndizen diku tjetër?
Indinjata që zgjedh objektivat sipas dukshmërisë, jo sipas dëmit, nuk është ndërgjegje qytetare. Është një reflektor që dikush tjetër e drejton për qëllimet e veta. Derisa të mësojmë ta ndriçojmë atë reflektor edhe mbi firmat e heshtura, jo vetëm mbi eskavatorët, grabitjet më të mëdha të Shqipërisë do të vazhdojnë të ndodhin pikërisht atje ku nuk shkon askush të protestojë. /Pamfleti
Kapja e Pamfletit është totalisht e gabuar. Nuk u ndje kush për 802 ha e Butrintit, pse po kapeni tashti (kam të drejtë ta shtroj kështu nga që kam bërë çmos për ti shpëtuar, qoftë në tv). Ka 101 arsye , edhe KGB ruse si mendojnë ekspertët e sigurisë, edhe Syriza e Cipras edhe pelikanët e Taulantit. Por të tërë u gëzuan dhe e përshëndetën.
Si shume te interesuar qe njerzit te heshtin per Zvernecin. U bene 3-4 dite qe prodhoni artikuj pa lidhje. Ka ndonje mize qe ju djeg nen kesule ? Jo po rusi, jo po serbi…
..jo po greqiri-sllavomongol. E harrove?!
Sa turp qe e shtrojne kështu por flm qe jepni sqarim me argumenta. varet ne çfarë periudhe të ngarkuar është bërë Butrinti. për fat të keq dhemb edhe ai, historikisht, për turizmin historik e kultiuror, por ja qe tani plasi se nuk po mban me ujë pilafi. Po Ky pallosh shkja guxon dhe kërcënon si do mbrohet populli, po mjafton ti mburojë se gjithë ai trup, shosh u befsh. Dhe populli do ta PËRSHKALLËZOJ PROTESTËN te SPAK GJKKO dhe gjykata kushtetuese per t'u marre këtyre hajnave paranë e vjedhur, per ta mbrojtur vendin po qe nevoja sipas aludimeve të këtij stni qe vjedh çdo gjë lirinë fjalën votën kreativitetin te zhyt ne apati depresion dhe kokrra lgbtqiuuu
Shkrimi eshte shume i sakte dhe shume i mire!!!! Bravo!!! Mirela Kumbaro eshte nje nga ministret me afatgjata dhe lubi ne hije pasi ka mbrojtjen e Rames Mirela nje idiote qe di vetem llafazaneri, vjedhje dhe frengjisht Ndyresira me e madhe qe edhe ne anketat e BE ka dale si me e keqja ne sjelljen me staff
Mirela e kryeharremxhije e sulltanit. Asnje qerpik nuk i prek dot askush. Butrinti eshte turp Kombetar i nivelit te larte dhe vete prova e RamaSaliut ne veprim me mbeshtetjen e oligorrembythjeve lepires pusht-etaresh.
Keto protests Jane Te sajuara nga Rama per ti phone partnered se sa shume po sakrifiokoj per token qe po ju jap ne Zvernec dhe ato tha supervene me kolltukun e km qe lore Ramen eshte jeta Ai nuk e le pushtetin se e Di per krimet e shunts a E I ka be popullit dhe si antishqiptare me I madh pas Esat Toptani , vendin e ka ne burg . Te ishte per showtime civile do protestors nate e dite per Buttintin , me muaj Te tere protests per shkatrimin dhe vjedhjet e portit Te Durresit duke e lene Shqiperine pa port , ne Porto Romano nuk behet port se aty eshte Serena e Ishmit dhe ne BD L Te kept te Palit qe eshte pane Porto romanos , Smokey bulges me rere deri tek elikat . Rama eshte antishqiptare, gazetari Gjerman I gazettes me prestigjoze ne Gjermani , shkruan Rama eshte KM me I mire I Serbise pas Pashicit . Fakt tjeter per protesten , kush e financon , vetem Rama mind ta finance me euro e krimit Te droges dhe duke bless gjithe patronazhiste e Shqiperise ne Tirane