FLASH
Shkruar nga Pamfleti
Spanja ka mbyllur hapësirën e saj ajrore për fluturimet që lidhen me operacionin ushtarak të Shteteve të Bashkuara dhe Izraelit kundër Iranit, një vendim që sinjalizon rezervat e Madridit ndaj përshkallëzimit të konfliktit.
Vendimi prek drejtpërdrejt logjistikën ajrore të operacionit, duke kufizuar përdorimin e korridoreve ajrore mbi territorin spanjoll për misione ushtarake ose mbështetëse.
Megjithatë, reagimi nga Uashingtoni ka qenë i menjëhershëm dhe minimizues. Një zyrtar i administratës Trump deklaroi për agjencinë spanjolle Efe se forcat e armatosura amerikane “po përmbushin ose po tejkalojnë të gjitha objektivat” në kuadër të operacionit “Epic Fury”.
“Ne nuk kemi nevojë për ndihmën e Spanjës apo të të tjerëve”, theksoi zyrtari, duke lënë të kuptohet se vendimi i Madridit nuk pritet të ndikojë në ecurinë e operacioneve.
Deklarata vjen në një moment kur koordinimi mes aleatëve perëndimorë po vihet në provë, ndërsa disa vende evropiane tregojnë kujdes në përfshirjen direkte në konflikt.
Mbyllja e hapësirës ajrore nga Spanja pasqyron një qasje më të rezervuar ndaj operacioneve ushtarake në Lindjen e Mesme, ndërkohë që SHBA dhe Izraeli vazhdojnë ofensivën kundër objektivave iraniane.
Lini një Përgjigje