FLASH
Shkruar nga Pamfleti
Disa raketa kanë rënë në zona të ndryshme të Izraelit qendror, sipas raportimeve fillestare të cituara nga Al Jazeera. Autoritetet izraelite nuk kanë autorizuar ende publikimin e detajeve të plota për incidentin për shkak të kufizimeve të censurës ushtarake.
Megjithatë, dëshmitarë okularë raportojnë për shtëllunga tymi që ngrihen nga disa pika goditjeje në këtë rajon. Nuk ka ende informacion zyrtar mbi dëmet apo viktimat e mundshme.
Zona e Izraelit qendror konsiderohet ndër më strategjiket në vend. Aty jeton rreth 44 për qind e popullsisë së Izraelit dhe ndodhen institucione kyçe, përfshirë Aeroportin Ndërkombëtar Ben Gurion, disa baza ushtarake, Ministrinë e Mbrojtjes si dhe selinë e shërbimit inteligjent Mossad.
Ndërkohë, në Haifa dhe në komunitetet veriore sirenat e alarmit kanë rënë pothuajse pa ndërprerje për shkak të sulmeve me raketa. Sipas raportimeve të mediave ndërkombëtare, raketat dyshohet se janë lëshuar nga Irani ose nga grupi Hezbollah në Liban.
Autoritetet izraelite nuk kanë dhënë ende një vlerësim të plotë të situatës së sigurisë.
Lini një Përgjigje