FLASH
Shkruar nga Pamfleti
Shtetet e Bashkuara kanë shtuar praninë ushtarake në Ngushticën e Hormuzit, duke dërguar anije luftarake të avancuara në patrullim, në një lëvizje që shoqërohet me paralajmërime të drejtpërdrejta ndaj Iranit.
Gjatë një deklarate, Dan Caine e përshkroi flotën si një “makinë sportive” të marinës amerikane, duke theksuar fuqinë dhe kapacitetet e saj luftarake në një zonë me rëndësi strategjike globale.
Sipas tij, shkatërruesit e klasit Arleigh Burke janë ndër më të avancuarit, me përmasa të mëdha dhe të pajisur me një arsenal të gjerë armësh, përfshirë raketa të ndryshme, sisteme mbrojtëse dhe helikopterë të integruar.
Ai theksoi se këto mjete kanë rritur ndjeshëm aftësinë operacionale dhe shtrirjen e marinës amerikane, duke garantuar një prani të fortë në rajon.
Sipas Caine, elementi më i rëndësishëm mbetet personeli në bord. Ai vuri në dukje se më shumë se 300 marinarë në çdo anije janë thelbi i operacioneve, duke qëndruar në gatishmëri të vazhdueshme.
Ai shton se këto ekuipazhe operojnë 24 orë në ditë për të siguruar reagim të menjëhershëm dhe efektiv në çdo situatë të mundshme.
"Ata veprojnë 24 orë në ditë në një gjendje gatishmërie të vazhdueshme, duke ofruar gjithmonë rezultate për forcën tonë të përbashkët", u shpreh Caine.
Lini një Përgjigje