FLASH
Shkruar nga Pamfleti
Presidenti amerikan Joe Biden ka reaguar pas rënies së regjimit të Bashar al-Assad.
Në një konferencë nga Shtëpia e Bardhë, pasi kryengritësit morën kontrollin e kryeqytetit sirian, Damask, Biden shprehet se kjo është një mundësi historike për Sirinë.
“Më në fund regjimi i Asadit ka rënë. Kjo është një mundësi historike për popullin sirian”, tha Joe Biden, duke specifikuar se pavarësisht raportimeve se diktatori ndodhet në Moskë, SHBA nuk është e sigurt.
" Ky regjim brutalizoi dhe torturoi dhe vrau qindra mijëra sirianë të pafajshëm", u shpreh Biden ndërsa shtoi se rënia e Asadit është një akt themelor drejtësie.
“Rënia e regjimit është një akt themelor drejtësie. Moment historik për popullin e shumëvuajtur të Sirisë që të ndërtojë një të ardhme më të mirë për vendin e tyre”, tha gjithashtu presidenti i SHBA.
Biden ka theksuar se Assad duhet të dalë para drejtësisë dhe të ndëshkohet.
Pas shumë orësh aludime për vendndodhjen e presidentit të Sirisë, Assad dhe familja e tij mbërritën dhe janë strehuar në Moskë. Sipas asaj që raportojnë mediat ruse, Asadit dhe familjes së tij u është dhënë azil nga autoritetet ruse.
Lini një Përgjigje