FLASH
Shkruar nga Pamfleti
Ministria ruse e mbrojtjes tha se pajisjet ushtarake të mbajtura nga grupi Wagner do t’u transferohen trupave ruse.
“Përgatitjet janë duke u zhvilluar për transferimin e pajisjeve të rënda ushtarake nga kompania private ushtarake Wagner tek njësitë e forcave të armatosura ruse”, njoftoi ministria ruse e mbrojtjes.
Kreu i Wagner, Yevgeny Prigozhin udhëhoqi një rebelim të shkurtër në fundjavë në Rusi, duke shkaktuar krizën më serioze të sigurisë në dekada dhe duke ngritur pikëpyetje mbi kontrollin e Putin në pushtet.
Por pavarësisht peshës së rebelimit të armatosur, Shërbimi Federal i Sigurisë i Rusisë bëri me dije se kishte rrëzuar çështjen penale kundër Wagner të cilët kërkonin të rrëzonin udhëheqjen ushtarake të vendit.
Të shtunën, Prigozhin anuloi marshimin e tij drejt Moskës pasi forcat Wagner pushtuan qytetin Rostov-on-Don, dhe rrëzuan gjashtë helikopterë rusë dhe një aeroplan komandimi dhe kontrolli.
Lini një Përgjigje